ತುಳುನಾಡ್ ಗ್ ತುಳುಭಾಷೆಗ್ ಭಾರೀ ಪಿರಾಕ್ ದ ಇತಿಹಾಸೊ ಉಂಡು.

ತುಳುನಾಡ್ ಗ್ ತುಳುಭಾಷೆಗ್ ಭಾರೀ ಪಿರಾಕ್ ದ ಇತಿಹಾಸೊ ಉಂಡು. ಕರ್ನಾಟಕೊದ ಅಂಚನೆ ಭಾರತೊದ ಸಂಸ್ಕೃತಿ ತುಳುನಾಡ್ದ ಕೊರಿಗೆ ಮಸ್ತ್ ಉಂಡು. ದಪರಶುರಾಮನ ಪುದರ್ ಪೋಯಿನ ಈ ತುಳುನಾಡ್ ಭಾರೀ ವಿಶಿಷ್ಟತೆನ್ ಪಡೆಯಿನ ಪೊರ್ಲುದ ನಾಡ್. ಮೂಡಾಯಿಡ್ ಘಟ್ಟೊದ ಅಳಿದಾಂತಿನ ಪಚ್ಚೆ ಕೋಟೆ,

ಪಡ್ದಾಯಿಡ್ ಕಣ್ಣೆತ್ತಂದಿನ ಕಡಲ್, ತೆನ್ಕಾಯಿಡ್ ಚಂದ್ರಗಿರಿ ಸುದೆ ಬಡಕ್ಕಾಯಿಡ್ ಗಂಗೊಳ್ಳಿ ಸುದೆ, ನಡುವೆ ಪರಿಪ್ಪುನ ಮಸ್ತ್ ಎಲ್ಯ ಮಲ್ಲ ಸುದೆ , ತಾರ್, ತೋಡುಲು, ಗುಡ್ದೆ, ಕಾಡ್, ಮಲೆ, ಬೈಲುಲು ಉಂದು ತುಳುವಪ್ಪೆನ ಪೊರ್ಲು ಮಡಿಲ್.

ದ್ರಾವಿಡೊ ಮೂಲೊದ ತುಳುವೆರ್ ಲೋಕೊಗು ಉಣ್ಪು ಕೊರ್ಪುನ ನಾಯಕೆರ ನಕ್ಲ್. ಪಂಡ ಬೆನ್ನಿ ತುಳುವೆರ್ನ ಮಾಮಲ್ಲ ಕಸುಬು.ಅಂಚನೆ ಮೂರ್ತೆಗಾರಿಕೆ, ಮೀನ್ ಗಾರಿಕೆ, ಬುಟ್ಟಿನೆಯ್ಪನ, ಕರಮಲ್ಪು ನ ಉಂದು ಮಾತಾ ತುಳುವೆರ್ನ ಕುಲ ಕಸುಬುಲು. ಇಂಚಿತ್ತಿ ತುಳುನಾಡ್ ಡ್ ಮೇರೆರ್, ಮನ್ಸೆರ, ಕೊರಗೆರ್, ನಲಿದಕ್ಲ್, ಬೈರೆರ್, ಮೂಲ್ಯೆರ್, ಆಚಾರಿಲು, ನಾಯ್ಕೆರ್, ಮಲೆಕುಡಿಯೆರ್, ಮಾಯಿಲೆರ್, ಪಂಬದೆರ್, ಬಾಕುಡೆರ್,

ಬಂಟ್ರ್ ನಕ್ಲ್, ಪೂಜಾರಿನಕ್ಲ್, ಗೌಡೆರ್, ಮಡ್ಯೊಲೆರ್, ಮರಕಲೆರ್, ಭಟ್ರನಕ್ಲ್, ಜೈನೆರೆನಕ್ಲ್, ಬ್ಯಾರಿಲು, ಪೊರ್ಬುಲು, ಕೊಂಕಣಿಯೆರ್ ಪಂಡ್ದ್

ಮಸ್ತ್ ಜಾತಿ ಜನಾಂಗೊದಕ್ಲ್, ಮಸ್ತ್ ಧರ್ಮೊ ಭಾಷೆದಕ್ಲ್ ಉಲ್ಲೆರ್. ಆಂಡಲಾ ತುಳುವಪ್ಪೆ ಇತ್ತಿನಕ್ಲ್ ಬತ್ತಿನಕ್ಲ್ ಪನ್ಪುನ ಒವ್ವೇ ಭೈದೊದಾಂತೆ

ತನ್ನ ಮಡಿಲ್ದ್ ಪಾಡೊಂದು ಅಪ್ಪೆ ನ ಮೋಕೆ ತೋಜಾದ್ ಸಾಂಕೊಂದುಲ್ಲ ಲ್. ಮಾತೆರ್ಲ ಒಂಜಪ್ಪೆ ಜೋಕುಲಾದ್ ಬದ್ಕೊಂದುಲ್ಲೆರ್. ತುಳು ಸಂಸ್ಕ್ರತಿಡ್ ಬದ್ಕೊಂದು ತುಳು ಭಾಷೆನ್ ಕಲ್ತೊಂದು ಒರಿತೊಂದು ಬತ್ತದರ್. to be continued